சூப்பர் ஸ்டாருடன் இணையும் த்ரிஷா!

மிகப் பெரிய வெற்றிப் படமாக அமைந்த ‘திருசியம்’ படத்தை தொடர்ந்து இயக்குனர் ஜித்து ஜோசஃபும், மோகன்லாலும் மீண்டும் ஒரு படத்தில் இணைய இருக்கிறார்கள். தமிழில் கார்த்தி, ஜோதிகா நடிப்பில் ‘தம்பி’ படத்தை இயக்கிய ஜித்து ஜோசஃப் அடுத்து மோகன்லால் நடிப்பில் ஆக்‌ஷன் த்ரில்லர் படம் ஒன்றை இயக்குகிறார். இந்த படத்தில் மோகன்லாலுடன் த்ரிஷா கதாநாயகியாக நடிக்கிறார். ஏற்கெனவே ‘ஹே ஜூட்’ என்ற மலையாள படத்தின் மூலம் மலையாள சினிமாவில் அறிமுகமான த்ரிஷா இரண்டாவது முறையாக நடிக்கும் மலையாள படம் இது என்பதோடு மோகன்லாலுடன் த்ரிஷா நடிக்கும் முதல் படம் இது என்பதும் குறிப்பிடத்தக்கது. இந்த படத்தின் பூஜை வருகிற 16-ஆம் தேதி கேரளா, கொச்சியில் நடைபெற இருக்கிறது. இந்த படத்தின் பெரும்பாலான காட்சிகளின் படப்பிடிப்பு வெளிநாடுகளில் படமாகவுள்ளது. இந்த படத்தின் டைட்டிலை படத்தின் பூஜையன்று வெளியிட இருக்கிறார்கள்.