கீர்த்தி சுரேஷுக்கு தேசிய விருது!

‘மகாநடி’ தெலுங்கு படத்தில் நடித்தமைக்காக கீர்த்தி சுரேஷுக்கு தேசிய விருது!

செய்திகள் 9-Aug-2019 4:23 PM IST Top 10 கருத்துக்கள்

ஒவ்வொரு ஆண்டும் மத்திய அரசு சார்பில் இந்திய அளவில் சிறந்த திரைப்படங்கள் மற்றும் சிறந்த சினிமா கலைஞர்களுக்கு தேசிய விருது வழங்கி வருகிறது. 66-ஆவது தேசிய விருதுகளுக்கான கலைஞர்கள் குறித்த விவரங்கள் வெளியாகியுள்ளன. அதில் இந்திய அளவில் சிறந்த நடிகையாக கீர்த்தி சுரேஷ் தேர்வாகியுள்ளார். தெலுங்கில் நடிகை சாவித்திரியின் வாழ்க்கையை மையமாக வைத்து எடுக்கப்பட்ட ‘மகாநடி’ படத்தில் சிறப்பாக நடித்தமைக்காக கீர்த்தி சுரேஷ் இந்த விருதுக்கு தேர்வாகியுள்ளார். இந்த படம் தமிழில் ‘நடிகையர் திலகம்’ என்ற பெயரில் வெளியானது.

இந்திய அளவில் சிறந்த நடிகர்களாக இருவர் தேர்வாகி உள்ளனர். ஹிந்தியில் வெளிவந்த ‘உரி’ படத்தில் நடித்த விக்கி கௌசல் மற்றும் ‘அந்தாதூன்’ படத்தில் நடித்த ஆயுஷ்மான் குரானா ஆகியோர் சிறந்த நடிகர்களாக தேசிய விருதுக்கு தேர்வாகியுள்ளனர். தமிழ் மொழியில் சிறந்த திரைப்படமாக பிரியா கிருஷ்ணசாமி இயக்கிய ‘பாரம்’ என்ற திரைப்படம் தேர்வாகியுள்ளது. மற்ற விருதுகள் குறித்த விவரங்கள் தனியாக வெளியிடப்படும்!

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

OMG பொண்ணு வீடியோ பாடல் - சர்கார்


;