தியேட்டர் ஸ்டிரைக் - தயாரிப்பாளர் சங்கம் அதிரடி முடிவு!

தியேட்டர் ஸ்டிரைக் - தயாரிப்பாளர் சங்கம் அதிரடி முடிவு!

செய்திகள் 1-Jul-2017 5:44 PM IST VRC கருத்துக்கள்

ஜி.எஸ்.டி.வரி விதிப்பு, மாநில அரசின் கேளிக்கை வரி ஆகியவற்றுக்கு எதிராக தியேட்டர் உரிமையாளர்கள் சங்கம் எதிர்ப்பு தெரிவித்து வருகிற 3-ஆம் தேதி முதல் சினிமா காட்சிகளை ரத்து செய்வதாக அறிவித்துள்ளது. இந்நிலையில் இந்த தியேட்டர் ஸ்டிரைக்குக்கு தமிழ் திரைப்பட தயாரிப்பாளர்கள் சங்கம் ஆதரவு அளிக்கப் போவதில்லை என்று தெரிவித்துள்ளது. இது சம்பந்தமாக தமிழ் திரைப்பட தயாரிப்பாளர்கள் சங்கம் சார்பில் வெளியிடப்பட்டுள்ள செய்தி குறிப்பின் விவரம் வருமாறு:

சினிமாத்துறை தற்போது இக்கட்டான சூழ்நிலையில் இருப்பது அனைவரும் அறிந்ததே. இப்பொழுது அமலுக்கு வந்திருக்கும் ஜி.எஸ்.டி. மற்றும் கேளிக்கை வரியால் சினிமாத்துறை மேலும் குழப்பமான சூழ்நிலையில் சிக்கியுள்ளது. இந்நிலையில் தன்னிச்சையாக முடிவெடுத்து திரையரங்க உரிமையாளர்கள் சங்கம் சார்பாக வருகிற 3-ஆம் தேதி முதல் வேலை நிறுத்தம் அறிவிக்கப்பட்டுள்ளது. இந்த முடிவினை எடுக்கும் முன்பு அனைத்து தயாரிப்பாளர்களின் நிலைமையை உணர்ந்து செயல்பட்டிருந்தால் மிகவும் நன்றாக இருந்திருக்கும்.

தயாரிப்பாளர்கள் நலனுக்காக தான் நாம் அனைவரும் பாடுபட்டு கொண்டிருக்கிறோம். ஆனால் 20 தயாரிப்பாளர்கள் முற்றிலுமாக பாதிக்கப்படும் வகையில் ஒரு முடிவை எடுப்பது என்பது தயாரிப்பாளர்கள் சங்கம் உடன்படியாத விஷயம். மாநில அரசுக்கு நம் தேவைகளை புரிந்து நடவடிக்கை எடுப்பதற்கு கால அவகாசம் தரவேண்டிய தேவையும் உள்ளது. இதனை பொருட்டில் கொண்டு வருகிற திங்கள் முதல் அறிவிக்கப்பட்டிருக்கும் வேலை நிறுத்தத்திற்கு தயாரிப்பாளர் சங்கம் உடனடியாக ஆதரவு அளிக்க இயலாது என்பதை தெரிவித்துக் கொள்கிறோம். மேலும் தயாரிப்பாளர் சங்க உறுப்பினர்கள் மற்றும் திரைத்துறையினர் பலரும் கேட்டுக் கொண்டதற்கிணங்க திரையரங்கு உரிமையாளர்கள் சங்கம் தற்போது அறிவித்துள்ள வேலை நிறுத்தத்தினை மறுபரிசீலனை செய்ய வேண்டுமாய் தயாரிப்பாளர் சங்கத்தின் சார்பாக அன்புடன் வலியுறுத்துகிறோம்’’ என்று அந்த அறிக்கையில் குறிப்பிடப்பட்டுள்ளது.

#ProducersCouncil #Vishal #SRPrabhu #MansoorAliKhan #PraveenGanth #GST #TFPC

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

ஆக்‌ஷன் ட்ரைலர்


;