விக்ரமுக்கு ஜோடியாகும் மலர் டீச்சர்!

சிம்புவை வைத்து ‘வாலு’ படத்தை இயக்கிய விஜயசந்தர் அடுத்து இயக்கும் படத்தில் விக்ரம் கதாநாயகனாக நடிக்கிறார். விரைவில் படப்பிடிப்பு துவங்கவுள்ள இப்படத்திற்கான கதாநாயகி தேடுதல் வேட்டை நடந்து வந்தது. இதற்காக பல முன்னணி நடிகைகளிடம் பேச்சு வார்த்தை நடந்தது என்று கூறப்படுகிறது. கடைசியில் இயக்குனர் விஜய்சந்தர் ‘பிரேமம்’ படப் புகழ் சாய் பல்லவியை தனது படத்தின் கதாநாயகியாக தேர்வு செய்துள்ளார் என்ற தகவல் கிடைத்துள்ளது. மணிரத்னம் தற்போது இயக்கி வரும் ‘காற்று வெளியிடை’ படத்தில் முதலில் கதாநாயகியாக தேர்வு செய்யப்பட்டவர் சாய் பல்லவி தான். ஆனால் அதன் பிறகு மணிரத்னம் கதையில் சில மாற்றங்களை செய்ய, சாய் பல்லவியின் ஹீரோயின் வாய்ப்பு பறிபோனது. இப்போது விக்ரம் படம் மூலம் தமிழில் கதாநாயகியாக அறிமுகமாகவிருக்கிறார் ‘பிரேமம்’ பட மலர் டீச்சரான சாய் பல்லவி!