மம்முட்டி இடத்தைப் பிடித்த அரவிந்த்சாமி?

மலையாளத்தில் சென்ற ஆண்டு ஏப்ரல் மாதம் வெளியாகி வெற்றிப்பெற்ற படம் ‘பாஸ்கர் தி ராஸ்கல்’. சித்திக் இயக்கிய இப்படத்தில் மம்முட்டி, நயன்தாரா, ‘என்னை அறிந்தால்’ படத்தில் நடித்த குழந்தை நட்சத்திரம் நைனிகா ஆகியோர் முக்கிய கதாபாத்திரங்களில் நடித்திருந்தனர். இந்த படத்தை தமிழில் ரீ-மேக் செய்யவிருக்கிறார்கள். மலையாள ‘பாஸ்கர் தி ராஸ்கல்’ படத்தை இயக்கிய சித்திக்கே தமிழிலும் இயக்கவிருக்கிறார் என்றும் மம்முட்டி நடித்த பாத்திரத்தில் தமிழில் அரவிந்த்சாமி நடிக்கவிருக்கிறார் என்றும் கூறப்படுகிறது. தமிழில் ஃப்ரண்ட்ஸ், எங்கள் அண்ணா, சாது மிரண்டா, காவலன் முதலான படங்களை இயக்கிய சித்திக் இயக்கும் இப்படத்தின் படப்பிடிப்பு வரும் மார்ச் மாதம் துவங்கும் என்றும் கூறப்படுகிறது. அரவிந்த்சாமி தற்போது தமிழில் ‘போகன்’, ‘சதுரங்கவேட்டை-2’ ஆகிய படங்களில் நடித்து வருகிறார். இதில் ‘போகன்’ படத்தின் அனைத்து படப்பிடிப்பும் முடிந்து ரிலீசுக்கு தயாராகி வருகிறது.

#Aravindswamy #BaskarTheRascal #Mammootty #Siddique #Kaavalan #Bogan #SathurangaVettai2 #Trisha