தெலுங்கில் வெளியாகும் விஜய்சேதுபதியின் ‘பீட்சா-2’

அறிமுக இயக்குனர் ஜெயக்கொடி இயக்கத்தில் விஜய்சேதுபதி, காயத்திரி முக்கிய கதாபாத்திரங்களில் நடிக்கும் ‘புரியாத புதிர்’ விரைவில் வெளியாகவிருக்கிறது. இப்படத்தை தமிழ், தெலுங்கு என இரு மொழிகளில் ஒரே தினம் வெளியிட திட்டமிட்டிருக்கிறார்கள். ‘புரியாத புதிர்’ தெலுங்கில் ‘பீட்சா-2’ என்ற பெயரில் வெளியாகவிருக்கிறது. இப்படத்தை தமிழில் ரெபெல் ஸ்டுடியோஸ் நிறுவனம் சார்பில் ஜே.சதீஷ்குமார் வெளியிடுகிறார். தெலுங்கில் இப்படத்தை வெளியிடும் உரிமையை ‘டி.வி.சினி கிரியேஷன்ஸ்’ டி.வெங்கடேஷ் வாங்கியுள்ளார். இப்படத்தின் தெலுங்கு ஆடியோ வெளியிட்டு விழா கடந்த மாதம் 27ஆம் தேதி ஹைதராபாத்தில் நடைபெற்றது. இந்த விழாவை தொடர்ந்து இப்படத்தின் மீது அங்கு பெரும் எதிர்பார்ப்பு உருவாகியிருக்கிறதாம். ஜே.எஸ்.கே. ஃபிலிம் கார்பரேஷன் நிறுவனம் சார்பில் ஜே.சதீஷ் குமார் தயாரித்துள்ள இப்படத்தின் ஒளிப்பதிவை தினேஷ் கிருஷ்ணன் கவனிக்க, சாம்.சி. இசை அமைத்துள்ளார்.

#PuriyathaPuthir #VijaySethupathi #Gayathiri #RanjithJeyakodi #Pizza2 #Pizza #Dharmadurai #MakkalSelvan