'கடைசி பெஞ்ச் கார்த்தி'யாக பரத்!

'கடைசி பெஞ்ச் கார்த்தி'யாக பரத்!

செய்திகள் 3-Nov-2016 10:23 AM IST Top 10 கருத்துக்கள்

இந்தியா மற்றும் தென்கிழக்கு ஆசிய நாடுகளிலும் வலுவான வர்த்தகங்களைக் கொண்டிருக்கும் சுதிர் புதோடா தனது 'ராமா ரீல்ஸ்' என்ற பட நிறுவனம் சார்பாக தயாரிக்கும் படம் 'கடைசி பெஞ்ச் கார்த்தி'.

இந்த படத்தில் பரத் கதாநாயகனாக நடிக்கிறார். பஞ்சாப்பில் மியூசிக்கல் ஆல்பங்களின் டாப் ஸ்டாரும் பிரபல மாடலுமான ருஹானி ஷர்மா மற்றும் அங்கனா ராய் இருவரும் கதாநாயகிகளாக நடிக்கிறார்கள். மற்றும் ரவிமரியா, ஞானசம்பந்தன், சனா, சுரேகா, வாணி, இயக்குனர் காசி, மூனார் டேவிட், மதுரை வினோத் ஆகியோரரும் நடிக்கிறார்கள்.

இப்படத்தின் கதை, திரைக்கதை, வசனம் எழுதி இயக்குகிறார் ரவிபார்கவன்.இவர் தமிழில் வெல்டன், ஒரு காதல் செய்வீர், திரு ரங்கா ஆகிய படங்களையும், தெலுங்கில் இரண்டு படங்களையும் இயக்கியிருக்கிறார். இப்படத்தின் ஒளிப்பதிவை முஜிர் மாலிக் கவனிக்கிறார். அன்பு ராஜேஷ் இசை அமைக்கிறார்.

இப்படம் குறித்து இயக்குனர் ரவி பார்கவன் கூறும்போது,
"இன்றைய ஸ்மார்ட் போன்களின் மாடர்ன் உலகில் பெரும் மாற்றங்களுக்கு உள்ளாகி தனது தனித்துவத்தை இழந்தவற்றில் காதலும் ஒன்று. உண்மையில் காதலின் அர்த்தம் என்ன ? காதல் என்பது எதுவரை ? இன்றைய இளைய தலைமுறைக்கு காதல் மீது நம்பிக்கை இருக்கிறதா? என முழுவதுமாக காதலை மையமாக கொண்ட கலகலப்பான கமர்ஷியல் திரைப்படமாகவும் இன்றைக்குள்ள காதல் ட்ரெண்டை பிரதிபலிக்கும் வகையில் “ கடைசி பெஞ்ச் கார்த்தி' தயாராகிறது" என்றார்.

#KadaisiBenchKarthi #Bharath #RuhaniSharma #AnganaRoy #AnbuRajesh #RaviBhargavan

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

ரம் - டீசர்


;