கௌதம் மேனன் படத்தில் மீண்டும் நாயகியாகும் மஞ்சிமா மோகன்!
டிசம்பர் ரிலீஸுக்காக பரபரப்பாக இயங்கி வருகிறது கௌதம் மேனனின் ‘அச்சம் என்பது மடமையடா’ படக்குழு. இப்படத்தில் சிம்புவுக்கு ஜோடியாக மஞ்சிமா மோகன் மலையாளத்திலிருந்து தமிழுக்கு அறிமுகமாகியுள்ளார். இப்படத்தைத் தொடர்ந்து மீண்டும் கௌதம் மேனனுடன் இணையவிருக்கிறார் மஞ்சிமா.
கௌதம் இயக்கும் இன்னொரு படமான தனுஷின் ‘எனை நோக்கிப் பாயும் தோட்டா’ படத்திற்குப் பிறகு நாலு ஹீரோ, மூணு ஹீரோயின் நடிக்கும் நான்கு மொழிப் படம் ஒன்றை கௌதம் மேனன் உருவாக்கவிருக்கிறார் என்றும், ‘ஒன்றாக’ என பெயரிடப்பட்டுள்ள இப்படத்திற்காக தமிழிலிருந்து ஜெயம் ரவி, மலையாளத்திலிருந்து ப்ருத்விராஜ், தெலுங்கிலிருந்து சாய் சரண்தேஜ், கன்னடத்திலிருந்து புனித் ராஜ்குமார், அதேபோல்... அனுஷ்கா, தமன்னா இருவரும் இப்படத்தின் ஹீரோயின்களாகவும் ஒப்பந்தமாகியிருக்கிறார்கள் என்றும், தமிழுக்கான கதாநாயகி வேட்டை தற்போது நடந்து வருவதாகவும் கடந்த ஜூலை மாதம் செய்தி வெளியிட்டிருந்தோம்.
தற்போது அந்த நாயகி மஞ்சிமாதான் என்பது அவரது சமீபத்திய பேட்டி ஒன்றின் மூலம் தெரியவந்துள்ளது. தற்போது விக்ரம் பிரபுவுக்கு ஜோடியாக ‘முடிசூடா மன்னன்’ படத்தில் நாயகியாக நடித்து வருகிறார் மஞ்சிமா.
#ManjimaMohan #AchchamYenbadhuMadamaiyada #STR #GauthamVasudevMenon #JayamRavi #Prithviraj
உங்கள் கருத்துக்களை பதிவு செய்ய...
முந்தைய பதிவு
அடுத்த பதிவு
தொடர்புடைய செய்திகள்
துல்கர் சல்மான் படத்தில் இணைந்த பிரபல இயக்குனர் மகள்!
தேசிங்கு பெரிய சாமி இயக்கத்தில் துல்கர் சல்மான், ரிது வர்மா கதாநாயகன், கதாநாயகியாக நடிக்கும் படம்...
சிம்பு பட ஸ்டைலில் டைட்டில் பிடித்த மகத்!
‘பிக்பாஸ்’ நிகழ்ச்சி மூலம் பிரபலமானவர்களில் நடிகர் ‘மகத்’தும் ஒருவர். அஜித்தின் ‘மங்காத்தா’,...
துல்கர் சல்மான் படத்தில் கௌதம் வாசுதேவ் மேனன்!
அறிமுக இயக்குனர் தேசிங்கு பெரியசாமி இயக்கி வரும் படம் ‘கண்ணும் கண்ணும் கொள்ளையடித்தால்’. துல்கர்...
