‘சதுரங்க வேட்டை’ 2ஆம் பாகத்தில் சித்தார்த் அபிமன்யூ?

‘போகன்’ படத்தில் தற்போது நடித்துவரும் அர்விந்த் சாமியிடம் ‘சதுரங்க வேட்டை’ 2ஆம் பாகத்தில் நடிக்க பேச்சு வார்த்தை நடந்து வருகிறதாம்

செய்திகள் 31-Aug-2016 10:12 AM IST Chandru கருத்துக்கள்

‘தனி ஒருவன்’ படத்தின் சித்தார்த் அபிமன்யூ கேரக்டர் மூலம் இரண்டாவது இன்னிங்ஸில் அதிரடியாக களமிறங்கிய சித்தார்த் அபிமன்யூ தற்போது ‘போகன்’ படத்தில் பிஸியாக நடித்து வருகிறார். அதோடு சின்னத்திரையில் நிகழ்ச்சி ஒன்றையும் வெற்றிகரமாக தொகுத்துக் கொண்டிருக்கிறார். இப்போது ‘சதுரங்க வேட்டை’ படத்தின் 2ஆம் பாகத்தில் அர்விந்த் சாமியை நடிக்க வைப்பதற்கான பேச்சுவார்த்தைகள் நடந்து வருவதாக கூறப்படுகிறது.

நடிகர், இயக்குனர் மனோபாலா தயாரித்து, திருப்பதி பிரதர்ஸ் வெளியீட்டில் வெளிவந்த படம் ‘சதுரங்க வேட்டை’. நட்டி நட்ராஜ் நாயகனாக நடித்த இப்படம் ரசிகர்கள் மத்தியில் நல்ல வரவேற்பைப் பெற்றது. தமிழகத்தில் நடக்கும் சில முக்கிய மோசடிகளை கதைக்களமாக வைத்து உருவாக்கப்பட்டிருந்த இப்படத்தின் 2ஆம் பாகத்தையும் விரைவில் எடுக்கப்போவதாக மனோபாலா அறிவித்திருந்தார். படத்தின் முக்கிய கேரக்டர் ஒன்றில் அர்விந்த் சாமி நடித்தால் நன்றாக இருக்கும் என படக்குழு நினைத்திருப்பதால், அவரிடம் இப்படத்தில் நடிப்பதற்கான பேச்சுவார்த்தைகள் நடைபெற்று வருகின்றனவாம். அவருக்கு வில்லன் கதாபாத்திரமா? அல்லது நாயகன் கதாபாத்திரமா? என்பதை பொறுத்திருந்துதான் பார்க்க வேண்டும்.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

நரகாசூரன் - டீசர்


;