2017 ஜனவரியில் களமிறங்கும் சிவா - பொன்ராம் கூட்டணி?

வருத்தப்படாத வாலிபர் சங்கம், ரஜினி முருகன் படங்களைத் தொடர்ந்து மீண்டும் பொன்ராம் இயக்கத்தில் சிவகார்த்திகேயன் நடிக்கும் படம் 2017ல் துவங்கவிருக்கிறதாம்

செய்திகள் 16-Aug-2016 11:32 AM IST Chandru கருத்துக்கள்

‘ரெமோ’ படத்தின் வெளியீட்டு உரிமை வியாபாரம் தற்போது பரபரப்பாக நடந்து கொண்டிருக்கிறது. படம் அக்டோபர் 7ஆம் தேதி வெளியாகவிருக்கிறது. ‘ரெமோ’ படத்தின் படப்பிடிப்பு, டப்பிங் வேலைகள் முடிவடைந்துவிட்டதால், மோகன் ராஜா இயக்கத்தில் சிவகார்த்திகேயன் நடிக்கவிருக்கும் படத்தின் படப்பிடப்பு செப்டம்பரில் ஆரம்பமாகும் எனத் தெரிகிறது. இப்படத்தில் தன் பங்கு வேலைகள் அனைத்தையும் இந்த வருடத்திற்குள் முடித்துவிட்டு 2017 ஜனவரி முதல் பொன்ராம் இயக்கத்தில் மீண்டும் நடிக்கவிருக்கிறார் சிவா.

ரெமோ, மோகன் ராஜா படங்களைத் தொடர்ந்து பொன்ராம் இயக்கவிருக்கும் படத்தையும் ஆர்.டி.ராஜாவின் ‘24 ஏஎம் ஸ்டுடியோஸ்’ நிறுவனமே தயாரிக்கிறது. இதுதவிர ஆர்.டி.ராஜா கதையில் நிவின் பாலி நடிக்கவிருக்கும் படம் ஒன்றையும் இந்நிறுவனமே தயாரிக்கவிருப்பது குறிப்பிடத்தக்கது.

ஏற்கெனவே வருத்தப்படாத வாலிபர் சங்கம், ரஜினி முருகன் என இரண்டு சூப்பர் ஹிட் வெற்றிகளைத் தந்துள்ளதால் பொன்ராம் இயக்கத்தில் நடிப்பதற்கு ரொம்பவே ஆர்வமாக இருக்கிறாராம் சிவகார்த்திகேயன்.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

ரெமோ - டிரைலர்


;