ஆகஸ்ட்டுக்கு தள்ளுகிறதா ‘கபாலி’ ரிலீஸ்?

அனைத்து வேலைகளும் முடிவடைந்த ரஜினியின் ‘கபாலி’ இம்மாதம் 15-ஆம் தேதி ரிலீசாகும் என்று எதிர்பார்க்கப்பட்டது. ஆனால் திடீரென்று ‘கபாலி’யின் ரிலீஸை தள்ளி வைத்துள்ளார்கள். இதனை தொடர்ந்து இம்மாதம் 22-ஆம் தேதியாவது ‘கபாலி’ ரிலீசாகிவிடும் என்று ஏதிர்பார்க்கப்பட்டது. ஆனால் 22-ஆம் தேதியும் ‘கபாலி’ ரிலீசாகாதாம். லேட்டஸ்டாக கிடைத்த தகவலின் படி ’கபாலி’ அடுத்த மாதம் (ஆகஸ்ட்) தான் வெளியாகுமாம். அநேகமாக சுதந்திர தினத்தை முன்னிட்டு ஆகஸ்ட் 12-ஆம் தேதி வெள்ளி கிழமை ‘கபாலி’ திரைக்கு வர அதிக வாய்ப்பு இருக்கிறது என்கிறார்கள். இதனால் சுதந்திர தினத்தை முன்னிட்டு ரிலீஸ் என்று அறிவித்திருந்த விக்ரமின் ‘இருமுகன்’, விக்ரம் பிரபுவின் ‘வாகா’ ஆகிய படங்களின் ரிலீஸ் தள்ளிப் போகும் சூழ்நிலை உருவாகி உள்ளது.