ஃபிலிம் நியூஸ் ஆனந்தன் பெயரில் 2 மாணவிகளை படிக்க வைக்கும் விஷால்!

சமீபத்தில் காலமான திரையுலக ஜாம்பவான் ஃபிலிம் நியூஸ் ஆனந்தனின் படத்திறப்பு விழா ரஷ்யன் கல்சுரல் செண்டரில் சில நாட்களுக்கு முன் நடைபெற்றது. இதில் நடிகர்கள் கமல்ஹாசன், விஷால் மற்றும் பலர் கலந்துகொண்டனர். இவ்விழாவில் நடிகர் விஷால் ஃபிலிம் நியூஸ் ஆனந்தனுக்கு மரியாதை செய்யும் வகையில் இரண்டு மாணவிகளை அவர் பெயரில் படிக்க வைக்கிறேன் என்று கூறி இருந்தார். அவர் அன்று கூறியது போல் நேற்று விஷால் அமரர் ஃபிலிம் நியூஸ் ஆனந்தன் பெயரில் இரண்டு மாணவிகளின் கல்லூரி படிப்பு செலவை ஏற்றார். இது சம்பந்தமான நிகழ்ச்சி நேற்று சென்னையில் நடைபெற்றது,. இந்நிகழ்ச்சியில் ஃபிலிம் நியூஸ் ஆனந்தனின் மகனும், சினிமா மக்கள் தொடர்பாளருமான டைமண்ட் பாபு மற்றும் பலர் கலந்துகொண்டனர்.