ஆம்னி பஸ்களில் திருட்டு விசிடி - விஷால் வேண்டுகோள்!​

ஆம்னி பஸ்களில் திருட்டு விசிடி - விஷால் வேண்டுகோள்!​

செய்திகள் 25-May-2016 11:22 AM IST VRC கருத்துக்கள்

திருட்டு விசிடியை தடுக்கும் விதமாக நடிகர் சங்கம் சார்பில் அதன் செயலாளர் விஷால் பல நடவடிக்கைகள் எடுத்து வருகிறார். அதன் தொடர்ச்சியாக தனியார் பேருந்து (ஆம்னி பஸ்) உரிமையாளர்களுக்கு, அதன் சங்கம் மூலமாக ஒரு வேண்டுகோள் விடுத்துள்ளார் விஷால் அதன் விவரம் வருமாறு:

‘‘பல கோடி ரூபாய் முதலீடு செய்து தயாரிக்கப்படும் திரைப்படம் தியேட்டரில் ரசிகர்கள் ரசித்தால் மட்டுமே போட்ட முதலீட்டை திரும்ப எடுக்க முடியும்! இதில் தொலைக்காட்சி, இணையதளம் மற்றும் திருட்டு விசிடி ஆகியவற்றின் பாதிப்புகளை மீறி வெற்றி பெற போராட வேண்டிய நிலை உள்ளது. இது திரை உலகை சார்ந்த அனைத்து பிரிவினருக்கும் சவாலாக உள்ளது.

இந்நிலையில் தனியார் பேருந்துகளில் சட்டவிரோதமாக திரையில் ஓடிக் கொண்டிருக்கும் புதிய திரைப்படங்களை ஒளிபரப்புவது சமீபகாலங்களில் சர்வ சாதாரணமாகி விட்டது. அங்கீகரிக்கப்பட்ட வழித்தடங்களை மீறி பேருந்தை ஓட்டுவதும், பயண சீட்டு எடுக்காமல் பயணம் செய்வதும் எப்படி சட்டவிரோதமானதோ, அது போலவே திருட்டு விசிடியை பஸ்களில் ஒளிபரப்புவதும் சட்டவிரோதமானதே! அதனால், திரை உலகை காப்பாற்ற நாங்கள் பல நிலைகளில் போராடி வருகிறோம்! அதற்காக தமிழகமெங்கும் எங்கள் நடிகர்களின் ரசிகர் மன்றங்களின் மூலமாக பல கட்ட முயற்சிகளை மேற்கொண்டு வருகிறோம். இதுவரை தங்கள் கவனத்தை மீறி ஓட்டுனர்களால் இந்த தவறு நடந்திருந்தால் இனிமேல் இது நடக்காதவாறு பார்த்துக் கொள்ள வேண்டுகிறோம். இதற்கு தங்களுடைய முழு ஒத்துழைப்பை நல்குமாறு அன்புடன் கேட்டுக் கொள்கிறோம்" இவ்வாறு விஷால் கேட்டுக் கொண்டுள்ளார்.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

மாவீரன் கிட்டு - கண்ணடிக்கல பாடல் வீடியோ


;