சிம்பு பாடலுக்காக ரஷ்யா பறக்கும் விக்ரம் பிரபு - ஷாம்லி!

சிம்பு பாடலுக்காக ரஷ்யா பறக்கும் விக்ரம் பிரபு - ஷாம்லி!

செய்திகள் 25-May-2016 11:04 AM IST Chandru கருத்துக்கள்

‘ரோமியோ ஜூலியட்’ படத்தை தயாரித்த மெட்ராஸ் எண்டர்பிரைசஸ் எஸ் நந்தகோபால் தற்போது விக்ரம்பிரபு நடிப்பில் கணேஷ் விநாயக் இயக்கத்தில் ‘வீரசிவாஜி’ படத்தை அதிக பொருட்செலவில் தயாரித்துக் கொண்டிருக்கிறார். விக்ரம் பிரபு நாயகனாக நடிக்கும் இப்படத்தில் ஷாம்லி அவருக்கு ஜோடியாக நடிக்கிறார். மேலும் ஜான் விஜய், ரோபோ சங்கர், யோகி பாபு, நான்கடவுள் ராஜேந்திரன், மனிஷா ஸ்ரீ, வினோதினி, ஸ்ரீரஞ்சனி, இயக்குனர் மாரிமுத்து, சாதன்யா, குட்டி ஆகியோர் நடிக்கிறார்கள். சுகுமார் ஒளிப்பதிவு செய்ய, இமான் இசையமைக்க, எடிட்டிங் பணிகளை கவனிக்கிறார் ரூபன்.

‘வீரசிவாஜி’ படத்திற்கு இமான் இசையில், ரோகேஷ் பாடல் வரிகளில், சிம்பு பாடிய “தாறுமாறு தக்காளி சோறு... என் ஆள பாரு பப்பாளி தோலு...’’ என்ற பாடல் சமீபத்தில் ஒலிப்பதிவு செய்யப்பட்டது. இந்த பாடலின் படிப்பிடிப்பு ரஷ்யாவில் உள்ள ஜார்ஜியா மாகாணத்தில் நடன இயக்குனர் தினேஷ் நடன அமைப்பில் ஜூன் 1ம் தேதி முதல் படமாக்கப்படவிருக்கிறது.

இறுதிகட்ட வேலைகள் துரிதமாக நடைபெற்று வரும் ‘வீரசிவாஜி’ படத்தின் பாடல்கள் விரைவில் வெளியாகும் என படக்குழுவினர் தெரிவித்துள்ளனர்.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

பலூன் - டீசர்


;