‘சாட்டை-2’ அதிகாரபூர்வ அறிவிப்பு!

அன்பழகன் இயக்கத்தில் சமுத்திரகனி நடித்து வெளிவந்த ‘சாட்டை’, விமர்சன ரீதியாக பேசப்பட்ட படம் என்பதோடு, வணிக ரீதியாகவும் இப்படம் வெற்றிபெற்றது. இந்த படத்தை தயாரித்த ‘ஷாலோம் ஸ்டுடியோஸ்’ ஜான் மேக்ஸ் ‘சாட்டை’யின் இரண்டாம் பாகத்தை தயாரிக்க திட்டமிட்டுள்ளார். ‘சாட்டை-2’ என்று பெயரிடப்பட்டுள்ள இப்படத்தில் கிஷோர், தம்பி ராமையா ஆகியோர் முக்கிய கதாபாத்திரங்களில் நடிக்கிறார்கள். இவர்களுடன் நடிக்கவிருக்கும் மற்ற நடிகர், நடிகைகளின் தேர்வு நடந்து வருகிறது. அறிமுக இயக்குனர் கௌதம் இயக்கவிருக்கும் ‘சாட்டை-2’வின் துவக்க விழா அடுத்த மாதம் (ஜூன்) நடக்கவிருக்கிறது. ‘ஷாலோம் ஸ்டுடியோஸ்’ தற்போது தயாரித்து வரும் படம் ‘பொட்டு’. வடிவுடையான் இயக்கும் இப்படத்தில் பரத் கதாநாயகனாக நடித்து வருகிறார்.