‘டார்லிங்’ படத்திற்குப் பிறகு இயக்குனர் சாம் ஆண்டன் இயக்கத்தில் ‘எனக்கு இன்னொரு பேர் இருக்கு’ படத்திலும் ஹீரோவாக நடித்து வருகிறார் ஜி.வி.பிரகாஷ். இப்படத்தின் மூலம் ஜி.வி.க்கு 2வது முறையாக ஜோடியாகியுள்ளார் ஆனந்தி. இவர்களோடு நிரோஷா, சரவணன், கருணாஸ், யோகி பாபு ஆகியோரும் நடிக்கிறார்கள். கிருஷ்ணன் வசந்த் ஒளிப்பதிவு செய்யும் இப்படத்திற்கு ஜி.வி.பிரகாஷ் இசையமைக்கிறார்.
படப்பிடிப்பின் இறுதிக்கட்டத்திலிருக்கும் இப்படத்தின் டீஸரை வரும் 28ஆம் தேதி மாலை 5 மணிக்கு வெளியிடவிருக்கிறார்கள். இந்த டீஸரை தமிழ் சினிமா பிரபலம் ஒருவர் வெளியிடுவார் என ஏற்கெனவே அறிவிக்கப்பட்டிருந்தது. அந்த பிரபலம் வேறு யாருமல்ல... ஜி.வி.யின் உறவினரும், ஆஸ்கர் நாயகனுமான ‘இசைப்புயல்’ ஏ.ஆர்.ரஹ்மான்தானாம். லைக்கா புரொடக்ஷன்ஸ் தயாரித்திருக்கும் ‘எனக்கு இன்னொரு பேர் இருக்கு’ படத்தின் டீஸரை தனது ட்விட்டர் பக்கத்தில் 28ஆம் தேதி மாலை 5 மணிக்கு ஏ.ஆர்.ரஹ்மான் வெளியிடுவாராம்.
மறைந்த தமிழக முதல்வர் ஜெயலலிதாவின் வாழ்க்கை வரலாறாக உருவாகி வரும் படம் ‘தலைவி’. ஏ.எல்.விஜய் இயக்கி...
ஷங்கர் இயக்கத்தில் கமல்ஹாசன், காஜல் அகர்வால் உட்பட பலர் நடிக்கும் படம் ‘இந்தியன்-2’. இந்த படத்தின்...
மணிரத்னத்தின் கனவு திரைப்படமான ‘பொன்னியின் செல்வன்’ படத்தின் படப்பிடிப்புசமீபத்தில் தாய்லாந்த் -...