‘கத்திச்சண்டை’யில் விஷாலுடன் இணையும் வடிவேலு!

‘ஜெயம்’ ரவி, ஹன்சிகா நடித்து வெற்றிபெற்ற ‘ரோமியோ ஜூலியட்’ படத்தை தயாரித்த ‘மெட்ராஸ் எண்டர்பிரைசஸ்’ எஸ்.நந்தகோபால் தற்போது விக்ரம்பிரபு நடிக்கும் ‘வீரசிவாஜி’ படத்தை தயாரித்து வருகிறார். விரைவில் வெளியாக இருக்கும் இந்த படத்தை தொடர்ந்து விஷால் நடிப்பில் ‘கத்திச்சண்டை’ என்ற படத்தை தயாரிக்கிறார். சுராஜ் இயக்கும் இப்படத்தில் விஷாலுடன் நகைச்சுவை வேடத்தில் வடிவேலு நடிக்கிறார். விஷால், வடிவேலு ஏற்கனவே ‘திமிரு’ படத்தில் இணைந்து நடித்து அமோக வரவேற்பை பெற்றிருக்கிறது. இயக்குனர் சுராஜ் இயக்கத்தில் வடிவேலு ஏற்கெனவே ‘தலைநகரம்’, ‘மருதமலை’ ஆகிய படங்களில் நடித்துள்ளார். ‘கத்திசண்டை’யின் கதாநாயகிக்கான தேர்வு நடந்து வருகிறது. இப்படத்தின் படப்பிடிப்பு இம்மாதம் துவங்கி தொடர்ந்து நடைபெறவிருக்கிறது.