விஜய் சேதுபதியை தொடர்ந்து விஷாலுடன் இணையும் மடோனா!

‘மருது’வின் ஷூட்டிங் முடிந்ததை தொடர்ந்து விஷால் அடுத்து மிஷ்கின் இயக்கும் ‘துப்பறிவாளன்’ படத்தில் நடிக்க ஆயத்தமாகி வருகிறார். சமீபத்தில் இப்படத்தின் பூஜை நடைபெற்றது. மிஷ்கின் தற்போது இயக்கி வரும் ‘சவரக்கத்தி’ பட வேலைகள் முடிந்ததும் ‘துப்பறிவாள’னின் படப்பிடிப்பு துவங்கவிருக்கிறது. இந்த படம் தவிர விஷால், சுராஜ் இயக்கும் ஒரு படத்தில் நடிக்க முடிவு செய்துள்ளார் என்றும், இப்படத்தில் விஷாலுக்கு ஜோடியாக ‘காதலும் கடந்து போகும்’ பட ஹீரோயின் மடோனா நடிக்கவிருக்கிறார் என்றும் தகவல் வெளியாகியுள்ளது. ஆனால் இப்படத்தின் படப்பிடிப்பு எப்போது துவங்கும், இதில் யாரெல்லாம் பணியாற்ற போகிறார்கள், யார் தயாரிப்பு என்பது போன்ற அதிகாரபூர்வ தகவல்கள் எதுவும் இதுவரை வெளியாகவில்லை.