கால்பந்து போட்டிக்கு இசை அமைக்கும் ஏ.ஆர்.ரஹ்மான் உறவினர்!

இசைக்கும், விளையாட்டுக்கும் ஒரு தொடர்பு இருந்து வருகிறது. இதற்கு நிறைய உதாரணங்களை சொல்லலாம்! அந்த வரிசையில் சென்னையில் நடைபெறவிருக்கும் கால் பந்து போட்டிக்காக ‘கோல் போடு’ என்று துவங்கும் ஒரு வீடியோ பாடலை பதிவு செய்துள்ளார் இசைப்புயல் ஏ.ஆர்.ரஹ்மானின் சகோதரி மகன் ஏ.எச்.காஸிப். ‘ஐபிஎல்’ கிரிக்கெட் போட்டி போல நடைபெறவிருக்கும் கால் பந்து போட்டிக்காக காஸிப் இசை அமைத்துள்ள இப்பாடலை பிரபல ஹிந்தி பாடகரும் இசை அமைப்பாளருமான விஷால் தட்லானி பாடியுள்ளார், இந்த பாடலை மோகன் ராஜ் இயற்றியிருக்கிறார். லண்டன் பிபிசி நடத்தும் அஷாந்தி ஒம்காரின் ஷோவில் இந்த வாரத்துக்கானா பாடலாக ‘கோல் போடு’ பாடல் தேர்வு செய்யப்பட்டுள்ளது. இந்த வீடியோ பாடலை அஷ்வின் ரவீந்திரன் இயக்கியுள்ளார்.