ஜீவா, சிபிராஜ், ஹன்சிகா முதலானோர் நடிக்கும் ‘போக்கிரி ராஜா’ திரைப்படம் அடுத்த மாதம் (மார்ச்) 4-ஆம் தேதி ரிலீசாகவிருக்கிறது. ‘தமிழுக்கு எண் 1 ஐ அழுத்தவும்’ படத்தை இயக்கிய ராம்பிரகாஷ் ராயப்பா இயக்கியிருக்கும் இப்படம் நேற்று சென்சார் அதிகாரிகளின் பார்வைக்கு சென்றது. படத்தை பார்த்த சென்சார் அதிகாரிகள் படத்தில் எந்த ‘கட்’டும் கொடுக்கவில்லை என்று கூறப்படுகிறது. இதனை தொடர்ந்து படத்திற்கு அனைவரும் பார்க்க கூடிய படம் என்று ‘யு’ சர்டிஃபிக்கெட் வழங்கியிருக்கிறார்கள். ‘எதிர்பார்த்தது போலவே தங்கள் படத்திற்கு ‘யு’ சர்டிஃபிக்கெட் கிடைத்திருப்பது, எங்களுக்கு கிடைத்த முதல் வெற்றி’ என்கிறார்கள் ‘போக்கிரி ராஜ’ பட குழுவினர்! ரொமான்டிக் காதல், காமெடி படமாக அமைந்துள்ள இப்படத்தை ‘பி.டி.எஸ்.ஃபிலிம் இன்டர்நேஷனல்’ நிறுவனம் சார்பில் பி.டி.செல்வகுமார் தயரித்துள்ளார். டி.இமான் இசை அமைத்துள்ளார். ஏற்கெனவே இப்படத்தின் பாடல்கள் மற்றும் டிரைலர் வெளியாகி ரசிகர்களிடையே பரவலான வரவேற்பைப் பெற்றுள்ள நிலையில் வருகிற 4-ஆம் தேதி உலகம் முழுக்க வெளியாகவிருக்கிறது ‘போக்கிரி ராஜா’.
‘குக்கூ’, ‘ஜோக்கர்’ ஆகிய படங்களை தொடர்ந்து ராஜுமுருகன் இயக்கியுள்ள படம் ‘ஜிப்ஸி’. இந்த படத்தில் ஜீவா...
சென்ற வாரம் ‘டகால்டி’, ‘நாடோடிகள்-2’, ‘ உற்றான்’, ‘மாயநதி’ ஆகிய நான்கு நேரடித்தமிழ் படங்கள்...
அறிமுக இயக்குனர் அன்பரசன் இயக்கத்தில் சிபிராஜ் நடிக்கும் படம் ‘வால்டர்’. அதிரடி ஆக்ஷன் த்ரில்லர்...