மார்ச் மாதம் முதல் ஆளாக களமிறங்கும் விஜய் ஆண்டனி!

நான், சலீம், இந்தியா பாகிஸ்தான் என வரிசையாக தனது படங்களில் வெரைட்டி காட்டி வரும் விஜய் ஆண்டனி தற்போது நடித்திருக்கும் படம் ‘பிச்சைக்காரன்’. ஐந்து ஐந்து ஐந்து படத்திற்குப் பிறகு இயக்குனர் சசி இயக்கியிருக்கும் இப்படத்திற்கு நாயகன் விஜய் ஆண்டனியே இசையமைக்கும் பணியையும் கவனித்திருக்கிறார். அதோடு இப்படத்திற்கு தயாரிப்பாளரும் அவரே. இப்படத்தின் பாடல்கள், டீஸர், டிரைலர் ஆகியவற்றிற்கு நல்ல வரவேற்பு கிடைத்திருக்கும் நிலையில், படம் சென்சாரில் யு சான்றிதழ் வாங்கியிருக்கிறது.

ஒவ்வொரு வார வெள்ளிக்கிழமையும் குறைந்தது 3 படங்களாவது வெளியாகிக் கொண்டிருக்கும் சூழ்நிலையில், தனது ‘பிச்சைக்காரன்’ படத்தை மார்ச் முதல் வார வெள்ளிக்கிழமையான 4ஆம் தேதி களமிறக்கத் திட்டமிட்டிருக்கிறார் விஜய் ஆண்டனி.