‘தர்மதுரை’க்காக குரல் கொடுக்கும் தமன்னா!

தமன்னா இப்போது சீனுராமசாமி இயக்கும் ‘தர்மதுரை’ படத்தில் நடித்து வருகிறார். விஜய்சேதுபதி கதாநாயகனாக நடிக்கும் இப்படத்தின் படப்பிடிப்பு விறுவிறுப்பாக நடந்து வருகிறது. தமன்னாவிடம் இப்படத்தில் சொந்தக் குரலில் டப்பிங் பேச வேண்டும் என்று இயக்குனர் சீனுராமசாமி கூறியிருக்கிறாராம். இதனால் தமன்னா இப்போது தமிழில் டப்பிங் பேச பயிற்சி எடுத்து வருகிறாராம். இதுவரை இரவல் குரலில் நடித்து வந்த தமன்னா, தனக்கு முதன் முதலாக தமிழில் டப்பிங் பேச கிடைத்திருக்கும் இந்த அரிய வாய்ப்பை ஒரு சவாலாக எடுத்து முழு மூச்சில் தமிழில் பேச கற்று வருகிறராம். அழகான தமன்னாவின் இனிய குரலில் தேன் தமிழை கேட்க காத்திருப்போம்!