சிம்பு ‘பீப்’ பாடல் விவகாரம் – நடிகர் சங்கம் அறிக்கை!

சிம்பு ‘பீப்’ பாடல் விவகாரம் – நடிகர் சங்கம் அறிக்கை!

செய்திகள் 21-Dec-2015 10:32 AM IST VRC கருத்துக்கள்

நடிகர் சிம்பு, இசை அமைப்பாளர் அனிருத் இருவர் சம்பந்தப்பட்டதாக கூறப்படும் ‘பீப் பாடல் மற்றும் அதன் மூலம் ஏற்பட்டுள்ள விவகாரம் குறித்து நடிகர் சங்கம் சார்பில் நேற்று ஒரு அறிக்கை வெளியிடப்பட்டுள்ளது. அதன் விவரம் வருமாறு:

‘‘சினிமா என்பது கலைக்கும் ‘பலகோடி’ வியாபாரத்திற்கும் இடையே பயணிக்கிற ஊடகமாக இருக்கிறது. அதை மக்களும் உணர்ந்தே இருக்கிறார்கள். அதனால் அதற்கு சில எல்லைகளை தளர்த்தி, விரிவாக்கி தந்து இருக்கிறார்க்ள். அதை உணர்ந்த சினிமா கலைஞ்ரகள் பலரும் சினிமா ஊடகத்தை திறம்பட பயன்படுத்தி வெற்றியும் பெற்று வருகிறார்கள். அவர்களை மக்கள் தங்களது வீட்டுப் பிள்ளைகளாக கொண்டாடியும் வருகிறார்கள்.

ஆனால் அதுவே எல்லை மீறி செல்லும்போது முகச்சுளிப்பையும், சினத்தையும் வெளிப்படுத்தி எதிர்ப்பும் தெரிவிக்கிறார்கள். முறையாக வெளியிடப்பட்டதா, திருட்டுத்தனமாக கசிந்ததா என்கிற சந்தேகத்திற்கிடையே சமீபத்தில் அனிருத் இசை அமைத்து, சிம்பு எழுதி பாடியதாக வெளியாகியிருக்கும் பாடலில் ‘பீப்’ செய்யப்பட்டு கேட்பவர்களின் யூகத்திற்கு விடப்பட்ட வார்த்தைகள் மிக கொச்சையான உணர்வையும், பெண்களை இழிவுப்படுத்தியும் இருப்பதினால் அது நிச்சயம் கண்டனத்திற்குரியது! கண்டிக்கத்தக்கது.

ஒரு கலைஞனின் கருத்து மக்களிடையே சென்றடைந்து அது எதிர் விமர்சனங்களை ஏற்படுத்தும்போது அது சம்பந்தப்பட்ட கலைஞர்கள் மக்களின் உணர்வை மதித்து வருத்தமோ, மன்னிப்போ கேட்டு தன்னிலை விளக்கம் அளிக்க வேண்டியது கடைமையாகிறது.
அந்த கலைஞர்களுக்கு கால அவகாசம் கொடுத்து காத்திருந்தோம்!

அதோடு தென்னிந்திய நடிகர் சங்கம், கடந்த ஒரு மாதமாக மழையால பாதிக்கப்பட்ட மக்களுக்கு எல்லா பகுதிகளிலும் இரவு பகல் பாராமல் வேலை செய்து வந்தது. தொடர்ந்து இந்த விஷயத்தில் உடனடியாக கருத்து தெரிவித்தால் கடந்த தேர்தலில் எங்கள் அணிக்கு எதிராக சிம்பு தீவிரமாக செயல்பட்டதால் பழிவாங்கும் நடவடிக்கையாக விமர்சனம் வந்துவிடக்கூடாது என்றும், எங்கள் கருத்தாக இருந்தது. வருகிற 26-ஆம் தேதியில் நடக்க இருக்கும் செயற்குழுவில் இதுபற்றி விவாதித்து கருத்து தெரிவிக்கலாம் என்றிருந்தோம். ஆனால் சூழ்நிலை கருதி இன்று நிறுவனக்குழுவில் முடிவெடுக்கப்பட்டு இந்த அறிக்கை வெளியிடப்படுகிறது.

இன்று இந்த விவகாரம் மக்கள் மன்றத்தை மட்டுமல்ல, நீதிமன்றத்தையும் சென்றடைந்துள்ளது. இதில் சம்பந்தப்பட்ட கலைஞர்கள் விரைவில் இதிலிருந்து விடுப்பட்டு புதுப் பொலிவோடு கலைப்பணி ஆற்ற வரவேண்டும். என்பதே எங்கள் விருப்பம்.
தொழில்நுட்பம் அதிவேகமாக வளர்ந்து வரும் இக்காலகட்டத்தில் இந்த ‘பீப்’ பாடல் என்கிற இந்த நிகழ்வு சம்பந்தப்பட்ட கலைஞர்களுக்கு மட்டுமல்ல, எல்லா கலைஞர்களுக்கும் ஒரு படிப்பினையாக அமைந்துள்ளது!

வருங்காலத்த்ல் இப்படி மீண்டும் ஒரு சங்கடமான சூழல் உருவாகக் கூடாது என்ற விழிப்புணர்வோடு செயல்பட வேண்டும் என்பதை இச்சமயத்தில் தென்னிந்திய நடிகர் சங்கம் அறிவுறுத்த விரும்புகிறது!’’ என்று குறிப்பிடப்பட்டுள்ளது.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

அச்சம் என்பது மடமையடா - தள்ளி போகாதே பாடல் வீடியோ


;