நட்புக்கு மரியாதை கொடுப்பவன் நான்! – ‘ஜெயம்’ ரவி

நட்புக்கு மரியாதை கொடுப்பவன் நான்! – ‘ஜெயம்’ ரவி

செய்திகள் 21-Sep-2015 10:23 AM IST VRC கருத்துக்கள்

இயக்குனர் சுசீந்த்ரன் தயாரித்துள்ள ‘வில் அம்பு’ திரைப்படத்தின் சிங்கிள் ட்ராக் பாடல் வெளியீட்டு விழா சமீபத்தில் லயோலா கல்லூரியில் நடந்த இன்ஜினியா கலைவிழாவில் நடந்தது. இவ்விழாவில் படத்தின் தயாரிப்பாளர்கள் சுசீந்திரன், தாய் சரவணன், ‘வில் அம்பு’ இயக்குநர் ரமேஷ் சுப்ரமணியம், படத்தின் நாயகர்கள் ஸ்ரீ , ஹரிஷ் கல்யாண் நாயகி ஸ்ருஷ்டி டாங்கே, இசையமைப்பாளர் நவீன் ஆகியோர் கலந்து கொண்டனர் . விழாவில் சிறப்பு விருந்தினராக கலந்து கொண்டு பாடலை வெளியிட்டார் நடிகர் ‘ஜெயம்’ ரவி. முதலாவதாக படத்தின் தயாரிப்பாளர் இயக்குனர் சுசீந்திரன் தங்கள் படக்குழுவை அறிமுகம் செய்துவைத்தார்.

அதன்பின் நடிகர் ‘ஜெயம்’ ரவி பேசும்போது, ‘‘நானும் சில வருடங்களுக்கு முன்பு இந்த கல்லூரியில் மாணவனாக படித்துள்ளேன். இதே பெட்ரம் ஹாலில் நிறைய நிகழ்ச்சியில் என்னுடைய திறமைகளை வெளிப்படுத்தியுள்ளேன். இப்போது நான் உங்கள் சீனியராக இங்கே நிற்கிறேன். எனக்கு மிகவும் மகிழ்ச்சியாக உள்ளது. உங்களிடம் நிறைய பேசலாம் என்று தான் வந்தேன் ஆனால் உங்கள் ஆரவாரத்தை பார்த்தவுடன் நான் பேச நினைத்திருந்தது எல்லாம் மறந்துவிட்டது. நம்முடைய வாழ்க்கையில் இரண்டு முறை மகிழ்ச்சியான தருணம் வரும். ஒன்று நாம் பிறக்கும்போது நம்மை சார்ந்தவர்களுக்கும் மற்றொன்று நாம் எதற்காக பிறந்தோம் என்று நாம் அறியும் போதும் வரும். உங்களை போல் இங்கே அமர்ந்து நானும் கைதட்டி ஆரவாரம் செய்திருக்கிறேன். நாம் கல்லூரிக்கு வந்து படிப்பில் சாதனை படைப்பது பெரிய விஷயமல்ல. படிப்பது நம்முடைய கடமை. அதை தாண்டி நாம் என்ன சாதித்தோம் என்பது தான் பெருமை. இயக்குநர் சுசீந்திரனை போல் நட்புக்கு பெரிய மரியாதை கொடுப்பவன் நான். இந்த படத்தின் இயக்குநர் ரமேஷ் சுப்ரமணியம், படத்தின் தயாரிப்பாளரான இயக்குனர் சுசீந்திரனின் நெருங்கிய நண்பர். இருவரும் பதிநான்கு ஆண்டுகளாக ஒரே அறையில் தங்கி இருந்தனர். அந்த நட்பை மறக்காமல் இயக்குநர் சுசீந்திரன் தன் நண்பனுக்காக இந்த படத்தை தயாரித்துள்ளார். இதை போன்ற நட்பை நீங்கள் அனைவரும் கல்லூரி காலத்தில் தவறவிட்டுவிட கூடாது. இயக்குனர் சுசீந்திரனின் மேல் உள்ள மரியாதையின் காரணமாக தான் நான் இந்த விழாவுக்கு வருகை தந்தேன்.

இந்த படத்தில் நடித்துள்ள ஸ்ரீயின் நடிப்பை ‘ஓநாயும் ஆட்டுகுட்டியும்’ படத்தில் நான் நிறைய ரசித்தேன். அவருக்கு வாழ்த்துக்கள். படத்துக்கு இசையமைத்துள்ள நவீன் பாடல்கள் அருமையாக உருவாக்கியுள்ளார். இந்த படத்தின் பாடல்களை பெயர்பெற்ற இசையமைப்பாளர்களை கொண்டு உருவாக்கியுள்ளார் நவீன். இது ஒரு நல்ல முயற்சி. இதை போன்ற முயற்ச்சிகள் நிச்சயம் வெற்றி பெறும்’’ என்றார் ‘ஜெயம்’ ரவி.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

மாவீரன் கிட்டு - கண்ணடிக்கல பாடல் வீடியோ


;