‘50’ஐ தொட்ட பாபநாசம்!

‘50’ஐ தொட்ட பாபநாசம்!

செய்திகள் 21-Aug-2015 10:48 AM IST VRC கருத்துக்கள்

கமல்ஹாசன், கௌதமி, ஆஷாசரத், முதலானோர் நடிப்பில் ஜீத்து ஜோசஃப் இயக்கி கடந்த மாதம் (ஜூலை) 3-ஆம் தேதி ரிலீசான படம் ‘பாபநாசம்’. மலையாள ‘திருசியம்’ படத்தின் ரீ-மேக் ஆக உருவாகிய இப்படம் மலையாளத்தில் சூப்பர் டூப்பர் ஹிட்டாகி வசூலில் பெரும் சாதனை படைத்தது. இதனை தொடர்ந்து கன்னடம், தெலுங்கு மொழிகளிலும் இப்படம் ரீ-மேக் ஆகி வெற்றி பெற்றதோடு, இப்போது தமிழிலும் வெற்றி கண்டுள்ளது! கடந்த மாதம் 3-ஆம் தேதி ரிலீசான ‘பாபநாசம்’ 50 ஆவது நாளை தொட்டு இன்னமும் ஓடிக்கொண்டிருக்க, பெரும் மகிழ்ச்சியில் இருக்கிறார்கள் ‘பாபநாசம்’ படக்குழுவினர்! மலையாளம், தமிழ், தெலுங்கு, கன்னடத்தை தொடர்ந்து இப்படம் ஹிந்தியிலும் ‘திருஷியம்’ என்ற பெயரிலேயே ரீ-மேக் ஆனது. ஆனால் கடந்த மாதம் 31-ஆம் தேதி ரிலீசான இப்படம் நஷ்டம் ஏற்படுத்தாத வகையில் சுமாரான வெற்றியை மட்டுமே பெற்றுள்ளது என்று கூறப்படுகிறது. வழக்கமாக ஒரு மொழியில் வெற்றிபெற்ற ஒரு கதையை வேறு மொழிகளில் ரீ-மேக் செய்து எடுக்கும்போது அந்த படங்கள் எதிர்பார்த்த வெற்றி பெறுவதில்லை! ஆனால் அதிலிருந்து விதிவிலக்காக மலையாள ‘திருசியம்’ அமைந்துள்ளது.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

சபாஷ் நாயுடு மோஷன் போஸ்டர்


;