சூர்யாவின் ‘சிங்கம்-3’ புதிய தகவல்!

சூர்யாவின் ‘சிங்கம்-3’ புதிய தகவல்!

செய்திகள் 17-Jun-2015 12:44 PM IST VRC கருத்துக்கள்

தற்போது விக்ரம் குமார் இயக்கத்தில் ‘24’ படத்தில் நடித்து வரும் சூர்யா, இந்த படத்தின் படப்பிடிப்பு முடிந்ததும் ஹரி இயக்கும் ‘சிங்கம்-3’ படத்தில் நடிக்க இருக்கிறார். ஹரி இயக்கத்தில் சூர்யா நடிக்கும் ஐந்தாவது படம் ‘சிங்கம்-3’. இந்த படத்தின் படப்பிடிப்பு வருகிற செப்டம்பர் மாதம் துவங்கவிருக்கிறது. ‘சிங்கம்’ மற்றும் ‘சிங்கம்-2’ படங்களில் சூர்யாவுடன் இணைந்து நடித்த அனுஷ்கா, ‘சிங்கம்-3’ படத்திலும் நடிக்கிறார். ‘சிங்கம்-3’ படத்தில் இன்னொரு நாயகியாக ஸ்ருதி ஹாசனும் நடிக்கிறார். ‘ஏழாம் அறிவு’ படத்திற்குப் பிறகு சூர்யாவும், ஸ்ருதிஹாசனும் மீண்டும் இணைந்து நடிக்கும் படம் இது. ‘சிங்கம்’ மற்றும் ‘சிங்கம்-2’ படத்திற்கு தேவிஸ்ரீபிரசாத் இசை அமைத்திருந்தார். ஆனால், ‘சிங்கம்-3’ படத்திற்கு அனிருத் இசை அமைக்கிறார். சூர்யா நடிக்கும் படத்திற்கும், ஹரி இயக்கும் படத்திற்கும் அனிருத் இசை அமைப்பது இதுதான் முதல் முறை! ‘சிங்கம்’ படத்தை தயாரித்த ‘ஸ்டியோ கிரீன்’ நிறுவனமே சூர்யாவின் ‘சிங்கம்-3’ படத்தையும் தயாரிக்கிறது! இப்படத்தில் ‘சிங்கம்-2’வில் நடித்த ராதாரவி, நாசர் முதலானோரும் நடிக்க இருக்கிறார்கள். ‘சிங்கம்-3’ படத்தின் முக்கிய காட்சிகளை தமிழகத்தில் தூத்துக்குடி, காரைக்குடி ஆகிய பகுதிகளில் படமாக்க இருப்பதோடு பிரான்சு நாட்டின் தலைநகரான பாரிஸிலும் சில காட்சிகளை படமாக்க திட்டமிட்டுள்ளார் ஹரி!

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

மகளிர் மட்டும் - டிரைலர்


;