‘சகுனி’ ஷங்கர் தயாள் இயக்கத்தில் விஷ்ணு, கேத்ரின் தெரஸா!

‘சகுனி’ ஷங்கர் தயாள் இயக்கத்தில் விஷ்ணு, கேத்ரின் தெரஸா!

செய்திகள் 6-May-2015 10:04 AM IST Chandru கருத்துக்கள்

AVR புரொடக்ஷன்ஸ் சார்பில் VR அன்புவேல் ராஜன் தயாரிக்கும் படம் ‘வீர தீர சூரன்’. ‘சகுனி’ ஷங்கர் தயாள் இயக்கத்தில் கதாநாயகனாக நடிக்கிறார் விஷ்ணு விஷால். அவருக்கு ஜோடியாக கேத்ரின் தெரஸா மற்றும் முக்கிய கதாபாத்திரத்தில் சூரி ஆகியோர் நடிக்கிறார்கள்.

இயக்குனர் சுசீந்திரனின் கதையமைப்பில், திரைக்கதை, வசனம் அமைத்து இயக்குகிறார் ஷங்கர் தயாள் N. தேசிய விருதுபெற்ற படத்தொகுப்பாளர் விவேக் ஹர்ஷன் படத்தொகுப்பில், ஒளிப்பதிவாளர் திவாகர் ஒளிப்பதிவில், ‘வீர தீர சூரன்’ படத்திற்கு இசையமைக்கிறார் ‘நடுவுல கொஞ்சம் பக்கத்த காணோம்’ இசையமைப்பாளர் வேத் ஷங்கர்.

“என்னுடைய பல்வேறு தொழில் அலுவல்களுக்கு மத்தியில் நான் ஒரு சினிமா ஆர்வலனாகவே இருந்துள்ளேன். படம் தயாரிக்க வேண்டும் என்ற எண்ணம் மட்டும் திண்ணமாய் இருந்த சமயத்தில் எதர்ச்சையாக சுசீந்திரனிடமிருந்த இந்தக் கதையைக் கேட்டேன். சொல்வதற்கு வார்த்தையில்லாமல் அசந்துபோனேன், மற்றவை சொல்லி வைத்தாற்போல் நிகழ ‘வீர தீர சூரன்’ படத்தை நானே தயாரிக்கிறேன். விஷ்ணு விஷால் இக்கதைக்கு நாயகனாக கச்சிதமாய் அமைய மே மாத மத்தியில் முதல் கட்ட படப்பிடிப்பு வேலைகள் ஆரம்பமாகவுள்ளது” எனக் கூறினார் தயாரிப்பாளர் அன்புவேல் ராஜன்.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

இவன் யாரென்று தெரிகிறதா - வீடியோ


;