யுவனை விமர்சிப்பவர்களுக்கு சாட்டையடி கொடுத்த பவதாரிணி!

யுவனை விமர்சிப்பவர்களுக்கு சாட்டையடி கொடுத்த பவதாரிணி!

செய்திகள் 1-Nov-2014 12:39 PM IST Chandru கருத்துக்கள்

கடந்த ஒரு வாரமாகவே யுவனின் 3வது திருமணம் குறித்த செய்திகள் இணையதளமெங்கும் உலாவி வருகின்றன. அதாவது, இசையமைப்பாளர் யுவன் ஷங்கர் ராஜா தன்னுடைய பெயரை ‘முகமது கலீக்’ என்று மாற்றிக் கொண்டதாகவும், விரைவில் இஸ்லாம் மதத்தைச் சேர்ந்த பெண் ஒருவரை திருமணம் செய்யவிருப்பதாகவும் செய்திகள் வெளிவந்தன. இதுகுறித்து யுவன் தரப்பிலிருந்து எந்த அதிகாரபூர்வ அறிவிப்பும் வராத நிலையில், யுவனின் நெருங்கிய வட்டாரங்களில் நாம் விசாரித்த நிலையில் ‘முகமது கலீக்’ என தன் பெயரை யுவன் மாற்றிக் கொண்டிருப்பதாக வரும் செய்திகளில் உண்மையில்லை எனவும், ஆனால் யுவன் 3வது திருமணம் செய்யவிருப்பதாகவும் தகவல் கிடைத்தது. இந்நிலையில் யுவன் குறித்த சர்ச்சைகளுக்கு முற்றிப்புள்ளி வைக்கும் வகையில் அவரின் சகோதரியும், பாடகியுமான பவதாரிணி தன்னுடைய ஃபேஸ்புக் பக்கத்தில் ஸ்டேட்டஸ் ஒன்றை வெளியிட்டிருக்கிறார். அவரின் சாட்டையடி ஸ்டேட்டஸ்....

‘‘ஆமாம்... என் சகோதரர் யுவன் இஸ்லாம் மதத்திற்கு மாறியுள்ளார். நான், கார்த்திக் ராஜா, அப்பா அனைவருமே யுவனின் அந்த முடிவை ஏற்றுக் கொண்டுள்ளோம். ஆமாம்.... அவர் 3வது முறையாக திருமணம் செய்யவிருக்கிறார். ஏனென்றால், அவர் ஏற்கெனவே செய்து கொண்ட இரண்டு திருமணங்களும் ஒருசில தனிப்பட்ட காரணங்களால் அவருக்கு ஒத்து வரவில்லை. யுவனுக்கு குழந்தைகளும் இல்லை, யாரையும் அவர் ஏமாற்றவும் இல்லை. அவர் குடிப்பதோ, புகைப்பதோ கிடையாது. 15 வயதிலிருந்தே இசையமைத்துக் கொண்டிருக்கும் யுவன், எப்போதும் அப்பாவின் இசையைப் பின்பற்றியதே கிடையாது. அவருக்கென தனியாக ஒரு ஸ்டைலை ஏற்படுத்திக் கொண்டு, அதில் வெற்றிகரமாக பயணித்துக் கொண்டிருக்கிறார். தன்னுடைய கடினமான உழைப்பினால் 100க்கும் மேற்பட்ட படங்களுக்கு இசையமைத்துள்ள யுவன் இப்போது வெற்றிகரமான இசையமைப்பாளராக இருக்கிறார். அவருடைய குடும்ப உறுப்பினர்களாலேயே யுவன் விமர்சிக்கப்படுவதைப் பார்க்கும்போது ரொம்பவும் கஷ்டமாக இருக்கிறது. அவர் தன்னை நிரூபித்திருக்கிறார், இனிமேலும் நிரூபிப்பார், தொடர்ந்து நிரூபித்துக் கொண்டிருப்பார். எல்லாவற்றையும் விட மனிதமே முக்கியமானது. யுவன் நல்ல மனிதரே!’’

என்று அதில் குறிப்பிடப்பட்டிருக்கிறது.

 rajini

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

நெஞ்சம் மறப்பதில்லை - டிரைலர் 2


;