"பகைத் தீயை வளர்ப்பவர் மூடர்!" - சீனுராமசாமி

"பகைத் தீயை வளர்ப்பவர் மூடர்!" - சீனுராமசாமி

செய்திகள் 29-Jul-2014 10:47 AM IST Inian கருத்துக்கள்

சீனுராமாசாமி இயக்கிவரும் படம் ‘இடம் பொருள் ஏவல்’. இப்படத்தில் விஜய்சேதுபதி, விஷ்ணு இருவரும் நடிக்கின்றனர். இப்படத்தில் யுவனின் இசையில் வைரமுத்து எழுதிய பாடலை இளையராஜா பாடுவதாக பல்வேறு கருத்துக்கள் நிலவி வந்தன. இது குறித்து சீனுராமசாமி தனது அறிக்கை மூலம் விளக்கமளித்துள்ளார். அது பின் வருமாறு,

கலையுலக நண்பர்களே!

எனது திரைப்படங்களால் ஈர்க்கப்பட்ட தமிழ் நெஞ்சங்களே!
அனைவர்க்கும் வணக்கம். எனது ‘இடம் பொருள் ஏவல்’ திரைப்படத்தில் தத்தெடுத்த மகனைப் பற்றிய உறவை மையப்படுத்தி ஒரு தாயின் பாடல் இடம்பெறுகிறது. இதைக் கவிப்பேரரசு வைரமுத்து எழுத, திரு. யுவன் சங்கர்ராஜா இசை அமைக்கிறார். இந்தப் பாடலை யாரைப் பாட வைக்கலாம் என்ற யோசனையில் என் ஆழ்மனதில் தோன்றியவர் இசைஞானி இளையராஜா அவர்கள்.

இதை இப்படத்தின் இசை அமைப்பாளர் திரு.யுவனிடமும், தயாரிப்பாளர் திரு.லிங்குசாமியிடமும் தெரியப்படுத்தினேன். யுவன் தன் அப்பாவிடம் நான் கேட்கிறேன் என்றார். எனக்கு அளவற்ற மகிழ்ச்சி! ‘தென்மேற்குப் பருவக்காற்று’ திரைப்படத்தில் தேசிய விருது பெற்ற ‘கள்ளிக்காட்டில் பொறந்த தாயே..’ மாதிரியான ஒரு பாடலை இசைஞானி பாடினால் எப்படி இருக்கும்! ஆனால் சில நண்பர்கள் இதனை வேறுமாதிரித் திரித்து எழுதி வருகின்றனர். இதைப் பகை முற்றுப்பெற்ற காலமாக நான் பார்க்கிறேன்.

இரண்டு பெருங்கலைஞர்களின் பெருந்தன்மை சம்பந்தப்பட்ட விஷயம் இது. நான் இருவரிடமும் வரம் கேட்கும் நிலையிலேயே இருக்கிறேன். "பகைத் தீயை வளர்ப்பவர் மூடர்!" - என்ற பாரதியின் வரிகளே என் நினைவுக்கு வருகின்றன. இணைத்து வைக்கும் கரங்களே, என்னை ஆசீர்வதியுங்கள்!

- நன்றியுடன்,
சீனு ராமசாமி,
திரைப்பட இயக்குநர்.

உங்கள் கருத்துக்களை பதிவு செய்ய...

தொடர்புடைய செய்திகள்

தொடர்புடைய படங்கள்

தொடர்புடைய வீடியோக்கள்

கருப்பன் - டிரைலர்


;